07 марта 2013 г.
Атте-анне, эсир халь çук,
Çапах асăмран каяс çук –
Юмахри пек ачалăхăм,
Чипер те çепĕç яшлăхăм.
– Ĕçле ачам, ан ÿркенсем,
Мĕн пĕлейместĕн – вĕренсем,
Вĕреннĕ çын ăста пулать,
Ĕмĕтсемпе малта пырать, –
Тесе каланă пиллĕхне,
Ун чух пĕлмен хакне виçме.
Хĕрĕх çултан иртсен анчах
Шутла пуçлатпăр самаях.
Мĕн-ма тесен – хамăр анне.
Пур мăнуксемшĕн – асанне.
Кая юлман, калар пĕрле
Тавах сире, атте-анне!
Е. СЫМОВА.
Упамса.