Публикации » Айхи сăввисем янăраççĕ

07 марта 2013 г.

Патăрьелĕнчи пĕрремĕш вăтам шкулта вĕренекен ачасем çулсерен районта, республикăра иртекен тĕрлĕ конкурса явăçаççĕ. Акă вĕсем Çĕньялти вăтам шкулта тĕнчипе паллă тата çак ялта ÿссе çитĕннĕ сăвăçа – Геннадий Айхие – халалланă сăвă вулакансен районти çиччĕ-мĕш конкурсне те хастар хутшăнчĕç. 15 вĕренекен кунта тĕрлĕ номинаципе тупăшрĕ. “Айхи сăввисем” ушкăнра 9 “а” класра вĕренекен Наташа Каргина малти вырăна тухма пултарчĕ. Екатерина Артамонова (вĕрентекенĕ О. Каллина) виççĕмĕш вырăн йышăнчĕ. “Айхи куçарăвĕсем” номинацире 11 класра вĕренекен Аня Шулаева, Милана Наумова палăрчĕç. Ытти çулсенчипе танлаштарсан вĕренекенсем çак мероприятие лайăхрах хатĕрленни сисĕнчĕ.

В. ФЕДОРОВА.