02 марта 2013 г.
ÇĔР çинче ашшĕ-амăшсăр, тăлăх, сусăр, урăхла каласан, ăраскалсăр ачасем пайтах. Вĕсенчен кашнийĕ аслисен ăшшине, пулăшăвне кĕтет. Республикăра çакнашкал шăпаллисене алă тăсса парас тĕллевпе час-часах тĕллевлĕ марафонсем йĕркелеççĕ. Акă, нарăсăн 19-мĕшĕнче “Ачасен ячĕпе, ачасемшĕн” старт илчĕ. Юхмапа Пăла тăрăхĕнчи организацисемпе предприятисен коллективĕсем, уйрăм хастарсем çакнашкал пархатарлă ĕçрен нихăçан та айккинче юлман. Хальхинче те ачасемшĕн ятарлă счет çине укçа куçарса паракансем сахалăнах пулмĕç.