17 октября 2015 г.
КУНСЕМ кĕскелсе пыраççĕ. Паян унăн вăрăмĕшĕ 10 сехет те 21 минут пулнă, ыран тата тăватă минут чакать. Каçсерен халь ăшă пỹртре телевизор пăхма та, хаçат-журнал вулама та, çуллахипе танлаштарсан, вăхăт ытларах. Республикăра мĕн пулса иртнине "сенкер экран" умне вырнаçсан та пĕлме май пур, анчах хамăр тăрăхри хыпарсене районта тухса тăракан "Авангард" хаçат çеç пĕлтерет. Сăмах май, 2016 çулхи пĕрремĕш çур çулта илсе тăма паянах çырăнма пултаратăр. Хакĕ хальлĕхе улшăнман-ха: почта урлă çур çулшăн _ 371,82 тенкĕ, "Союзпичет" киоскĕсенче тата альтернативлă майпа (редакцине килсе илмелли йĕркепе) _ 150 тенкĕ. Вăхăтра çырăнатăн _ хаçатлă пулатăн!
Источник: "Авангард" (газета Батыревского района)