21 октября 2015 г.
ÇУЛ-ЙĔР инкекĕсене анализ тунă хыççăн кĕркунне аварисем ытларах пулни палăрнă. Уйрăмах каçхине çуран çỹрекенсем çине час-часах техника пырса кĕрет. Октябрьпе ноябрь уйăхĕсенче нуша тỹсекенсем, ытти вăхăтрипе танлаштарсан, нумайрах.
Кăçалхи июль уйăхĕнче çул-йĕр правилине кĕртнĕ улшăну тăрăх, çанталăк тĕксĕм тата курăнаслăх япăх чухне çуран çỹрекенсен тум-тир е ытти япала çинче çутта хирĕç çутатакан элементсем пулсан аванрах.
Кун кĕскелсе пынă май çул çинче пурин те асăрхануллăрах пуласчĕ. Ашшĕ-амăшĕн, вĕрентекенсен ачасене правилăсене тепĕр хут аса илтерсен те аван. Пурнăç _ пĕрре, ăна упрасчĕ.
Источник: "Авангард" (газета Батыревского района)