21 октября 2015 г.
ПАТĂРЬЕЛĔНЧИ тĕп библиотекăра паллă çырав-çăсем те, вырăнтисем те час-часах пулаççĕ. Вĕсенчен чылайăшĕ пушă алăпа та килмест. Çак кунсенче Кивĕ Ахпỹртре пурăнакан Александр Павлов вулавăша хăй вăйĕпе кăларнă "Калавсем" кĕнекине парнеленĕ.
Александр Алексеевич чылай çул шкулта ĕçленĕ. Унăн стажĕ 40 çултан та иртет. Вăл Канаш районĕнчи Мăкăр ялĕнчи тата Кивĕ Ахпỹртри пĕлỹ çурчĕсенче директорта та тăрăшнă. Юлашки çулсенче илемлĕ литература хайлавĕсем çырать. Нумай пулмасть унăн "Асрах ун ячĕ" тата "Эпир те пулнă" сăвăсен пуххисем тухнă.
Источник: "Авангард" (газета Батыревского района)