21 октября 2015 г.
ОКТЯБРĔН 14-мĕшĕнче Пĕтĕм Раççейри ял хуçалăх Çыравне халалланă викторина старт илчĕ. Унта 18 çул тултарнă кашни çын хутшăнма пултарать.
Кăмăл пуррисем малтан www.vshp2016.ru сайтра регистрациленмелле. Кăçалхи ноябрь уйăхĕн вĕçĕччен кашни юнкун 10 сехетре (Мускв вăхăчĕпе) "Викторина" пайра виçĕ ыйтуран кая мар пичетленĕ. Вĕсене юнкунсерен "Раççей радиовĕнче" 18 сехет те 25 минутра калĕç.
Ыйтусене хуравламашкăн Пĕтĕм Раççей Çыравĕн сайтĕнче ятарлă формăна çырмалла. Хурава, çавăн пекех ят-шыва, электронлă почтăн адресне тата ăçта пурăннине кăтартмалла. Хуравсене тăватă кун йышăнĕç. Тĕрĕс тата туллин хуравланисене парнесемпе хавхалантарĕç.
Источник: "Авангард" (газета Батыревского района)