24 октября 2015 г.
КĔСЬЕ телефонĕ кашнийĕн аллинче пур халĕ. Ватти те, вĕтти те унпа çăмăллăнах усă курать. Ĕлĕкхилле хутпа ручка алла тытса çыру çырасси те çук. Кĕске хыпарсем самантрах ывăл е хĕр, пĕлĕш патне çитеççĕ. Çамрăксем вĕсене куç хупса та çырма пултараççĕ. Аслăраххисене е ватăсене хыпар пĕлсе пултăр. Тепĕр чухне вара вĕсем улталанаççĕ те. Шульăксем шахвăртса вĕсен банкри реквизит картин номерне ыйтса пĕлеççĕ. Е пĕр-пĕр çĕре укçа хумаллине ăша хывтараççĕ. Хĕрĕ, ывăлĕ инкеке кĕрсе ỹкнĕ-мĕн. Ăна пулăшма виçшер, пи- лĕкшер пин тенкĕ укçа кирлĕ. Ултавçăсем шутарса та çемçен калаçма пĕлеççĕ. Пăшăрханса ỹкнĕ ашшĕ-амăшĕ вара пĕр шелсĕрех шульăксене укçа куçарса парать. Республикăри шалти ĕçсен министерствин пресс-службинчен пĕлтернĕ тăрăх 100-шер пин тенкĕ шеллеменнисем те пур. Мĕншĕн маларах укçине кам патне куçараканпа калаçмаççĕ-ши? Телефон çакăншăн мар-и? Ултавçăсен серепине ан çакланăрах.
Источник: "Авангард" (газета Батыревского района)