24 октября 2015 г.
УНТА фото ỹкерме юратакансем хутшăнма пултараççĕ. Тĕллевĕ _ ял хуçалăх ĕçĕн илемне тата ял ĕçченĕсен çитĕнĕвĕсене кăтартасси. "Манăн Раççей" ятпа конкурса тăратнă ĕçсенче ялти тавралăх пулмалла. Сăмахран, уй-хирте тырă-пулă чỹхенсе ларни, выльăх- чĕрлĕх улăх-çарансенче çỹрени, сухаланă тырă пусси тата ытти те. Ял ĕçченĕсене _ ĕне сăвакансене, фермерсене, хурт-хăмăр ăстисемпе пахчаçăсене _ ỹкерни те вырăнлă пулмалла. Чи лайăх 3 фото ỹкерекене укçан преми кĕтет. Ĕçсене 2016 çулхи апрелĕн 30-мĕшĕччен çак адреспа йышăнаççĕ: foto@vshp2016.ru
Источник: "Авангард" (газета Батыревского района)