28 октября 2015 г.
КĂÇАЛХИ октябрĕн 30-мĕшĕнче Раççейри кашни шкултах Интернетпа пĕрлĕхлĕ хăрушсăрлăх урокĕ иртет. Унта шкул ачисене персоналлă даннăйсене вăрттăнлăхра мĕнле упрамаллине, ултавçăсен серепине çакланасран асăрханмаллине вĕрентеççĕ, автор материалĕсене вăрласа илекенсене явап тыттарассине асăрхаттараççĕ. Иртнĕ çул çакнашкал урока 11 миллион ача хутшăннă.
Хальхи вăхăтра ачасемпе çул çитмен ăрăва цифрăллă пĕлỹлĕхе хăнăхтарас тĕллевпе "Сетевичок-2015" квест пырать. Унта хутшăнакансемпе онлайн-курсĕсем, викторинăсем, ỹкерчĕксем тăвакансен, эссе çыракансен конкурсĕсем пулаççĕ. Ыйтусем çине хуравлаттараççĕ. Балсем параççĕ. Çĕнтерỹçĕсем вара парнесемпе дипломсем илеççĕ.
Источник: "Авангард" (газета Батыревского района)