11 ноября 2015 г.
Чăваш Республикин Пуçлăхĕ М. Игнатьев иртнĕ шăматкун, ноябрĕн 7-мĕшĕнче, республикăри район администраци тата хуласен округĕсен пуçлăхĕсемпе видеоканашлу ирттернĕ. Михаил Васильевич хăш-пĕр районсенче "Чăваш Республикин терриорийĕнче авариллĕ çуртран çынсене куçарасси" программăна ăнăçлă пурнăçланине палăртнă. Канашлура республикăри строительство, архитектура тата çурт-йĕрпе коммуналлă хуçалăх министрĕн тивĕçĕсене пурнăçлакан А. Герасимов, Чăваш Енĕн Премьер-министрĕ И. Моторин, Чăваш Республикин пурлăх тата çĕр хутшăнă- вĕсен Патшалăх комитечĕн председателĕ Н. Тимофеева тухса калаçнă.
Источник: "Авангард" (газета Батыревского района)