14 ноября 2015 г.
ХАÇАТĂН иртнĕ номе- рĕнче вулакансене çын сывлăхне сиен кỹрекен кальян пирки витĕмлĕ сăмахсем калас, халăха унăн хăрушлăхĕ пирки ăнлантарас тĕллевпе республикăра уйăхлăх ирттерни пирки пĕлтернĕччĕ. Тунтикун, чỹк уйăхĕн 16-мĕшĕнчен тепĕр акци старт илет. Маларахрипе танлаштарсан "Скажи, где торгуют смертью" тата анлăрах, Раççей шайĕнче иртет. Çак ятпа йĕркеленекен вунăкунлăх çĕнĕлĕх мар. Асăннă темăна çулталăкне темиçе хут та çĕклетпĕр, май пур таран ун пирки "чан" çапатпăр. Хальхинче те ăна икĕ тапхăрпа йĕркелеме палăртнă. Ятарлă акцин тĕп тĕллевĕ _ наркотиксен серепине çакланнă, организмне хăрушă наркăмăшпа сиенленĕ преступниксене (çаплах каламалла ĕнтĕ) усал шухăшран хăтарасси, вĕсене пулăшасси, сиплесси... Çак ыйтупа уçăлса калаçма хăюлăх çитерейменнисем валли талăкĕпех ĕçлекен "шанăç телефонĕ" те пур: 8 (8352) 23 _ 01 _ 00. Енчен те эсир кама та пулин çак усалтан хăтарасшăн пулсан, ан именĕр, çак номерпе шăнкăрав ярăр!
Источник: "Авангард" (газета Батыревского района)