21 ноября 2015 г.
ЭКСПЕРТСЕН шучĕпе, сутлăхра пуринчен ытла тĕл пулакан суя продуктсем çаксем-мĕн: олива, пыл, пулă, тинĕс гребешкисем, бальзам уксусĕ, шафран, ваниль, кофе, корица, хура пăрăç, вăлча, сĕт, аш-какай, эрех.
Чăнах та асăннă продуктсем çак списока ахальтен лекменнине тĕрĕслевсем çирĕплетеççĕ. Кун пирки пирĕн хаçат редакцине "Россельхознадзорăн" республикăри управленийĕн ĕçченĕ Надежда Васильева пĕлтерчĕ. Нумай пулмасть йĕркеленĕ тĕрĕслевре "Ашан" гипермаркетра сысна фаршĕнче лашан, чăхăн тата мăйракаллă шултра выльăхăн ДНК-ине тупнă. 17 пробăран 15-шĕ фальсификат пулнине тĕпчевсем çирĕплетнĕ.
Пулла илес пулсан _ ытларах чухне йỹннине хаклă йышши пек сутнă тĕслĕхсене тăрă шыв çине кăлараççĕ.
Источник: "Авангард" (газета Батыревского района)