25 ноября 2015 г.
ÇАК кунхине Нăрваш Шăхалĕнче пурăнакан 77 çулхи кинемей ỹсĕр çын мăшкăлне курман пулсан, паян кун та хуçалăхра кăштăртатса çỹренĕ пулĕччĕ... Синкерлĕ ĕç-пуç вара акă еплерех çаврăнса тухнă.
Пĕр кĕркуннехи каçкỹлĕм 53 çулхи арçын хăйĕн "Соболь" автомашинипе паллакансем валли тырă илсе килсе панă. Ăна пушатса ĕçне пĕтернĕ хыççăн хĕрĕнкĕскер, пахчаран хурçă утне хыçалалла чакарса тухма шутланă. Тавралăх тĕттĕмленме тытăннă вăхăтра çакскер çĕрулми аврине тирпейлекен кинемее асăрхаман та иккен, таптанă та кайнă. Ватă хĕрарăмăн чĕри вара хăйĕн пахчинчех ĕçлеме чарăннă.
Чăваш Республикинчи следстви управленийĕн ра йонсем хушшинчи следстви уйрăмĕ асăннă ĕçе тĕпчесе вĕçне çитернĕ, руль умне теветкеленсе эрех ĕçнĕ хыççăн ларнă водителе РФ УКăн 109 статйин 1 пайĕпе айăпланă.
Источник: "Авангард" (газета Батыревского района)