28 ноября 2015 г.
Ноябрĕн 24-мĕшĕнче "Единая Россия" политика партийĕн вырăнти уйрăмĕн 23-мĕш конференцине ирттернĕ. Конференцие район администрацийĕн пуçлăхĕ Рудольф Селиванов тата 75 делегат хутшăннă.
Пирĕн районта пурĕ ку партин 54 уйрăмĕ ĕçлет, вĕсенче 1200 член шутланать. Черетлĕ конференцинче мандат тата шут комиссисене виçшер çын суйланă. Мандат комиссине ертсе пыма районти халăха социаллă пулăшупа тивĕçтерекен пай пуçлăхне А. Воробьевăна, шут комиссине ертсе- пыма райадминистрацин финанс пайĕн аслă специалист-экспертне Н. Атитановăна суйланă.
Тĕп ыйтусенчен пĕри _ "Единая Россия" политика партийĕн вырăнти уйрăмĕн секретарьне суйласси пулнă. Вăрттăн сасăлавра нумайăшĕ хăйсен сассине Р. Селивановшăн панă.
Çавăн пекех, декабрь уйăхĕн пуçламăшĕнче Шупашкар хулинче "Единая Россия" политика партийĕн регионти уйрăмĕн 23-мĕш конференцийĕ пулать. Унта кайма партин чле- нĕсене _ Рудольф Селиванова тата Геннадий Афанасьева шаннă.
Источник: "Авангард" (газета Батыревского района)