Публикации » Пуйма хăтланнă та… кирпĕч шутлама çакланнă…

05 декабря 2015 г.

ÇАК тĕслĕх пирки калаçу пуçарса хĕрĕме каланине кинĕ илттĕр тесе калас килет. Çын йăнăшне хамăрăн тăвас марччĕ. Ĕçĕ-пуçĕ вара акă мĕн пирки. Тĕп хулари пĕр аслă шкулти радиоэлектроникăпа автоматика факультетĕнче вĕренекен каччă ячĕпе приговор вуланă. "Бизнес" енне пуçĕпех "чăмнă" студентăн 11 çул кирпĕч шутлама тивĕ! Мĕншĕн çав тери кăра йышăну тетĕр-и? Çакскер çăмăл меслетпе услам тума шут тытнă, пĕр Интернет-лавккара ĕçлесе вăрттăн вырăнсене наркотик хурса тăнă. Анчах та пĕринче вара наркотĕрĕслев управленийĕн ĕçченĕ-сем çамрăка çав вăрттăн вырăнта алăранах ярса тытнă. Урăхла каласан, çапма пĕлмен пушă хăйнех пырса лекнĕ тесен те юрать.

Источник: "Авангард" (газета Батыревского района)