05 декабря 2015 г.
Раççей Федерацийĕн Президенчĕн федерацин Атăлçи округĕнчи полномочиллĕ представителĕ Михаил Бабич пирĕн республикăра пулнă май ЖКХ пайне хĕллене ха- тĕрлесси, çынсене пурăнма юрăхсăра тухнă çуртсенчен хăтарса лайăх хваттерсемпе тивĕçтерес енĕпе йышăннă патшалăх программи пурнăçа кĕни, тăлăх ачасене лайăх çуртсемпе тивĕçтерес ыйтусемпе ĕçлĕ канашлу ирттернĕ. Асăннă тема çав тери çивĕч тĕрĕслевре пулнине асăннă.
х х х
Раштавăн 2-мĕшĕнче Шупашкарта федерацин Атăлçи округĕнчи Çамрăксен канашĕн ларăвне ирттернĕ. Паллă мероприятие Раççей Федерацийĕн Президенчĕн федерацин Атăлçи округĕнчи полномочиллĕ представителĕ Михаил Бабич йĕркелесе ертсе пынă. Ларăва Чăваш Республикин Пуçлăхĕ Михаил Игнатьев тата ытти официаллă çынсем хутшăннă. Пухăннисем çамрăксене патриотла воспитани парассипе çыхăннă пĕлтерĕшлĕ ыйтусем тавра канашланă.
Источник: "Авангард" (газета Батыревского района)