09 декабря 2015 г.
Н. Мазякова, "Авангард" хаçатăн тĕп редакторĕ:
_ Раççей Президенчĕ Федераци Пухăвне янă Çырупа коллективра уйрăмшарăн та паллашрăмăр, пĕрле те сỹтсе яврăмăр.
Владимир Путин тĕп отрасльсен ỹсĕмĕсене палăртрĕ, çав шутра культура çитĕнĕвĕсем пирки те чарăнса тăчĕ. "Раççей вăйĕ _ пĕтĕм халăхăн ирĕклĕ аталанăвĕнче, нумай енлĕхĕнче, килĕшĕвĕпе культуринче, пирĕн йăла-йĕркесенче, пĕрне-пĕри хисепленинче, православи, мăсăльман, иудаизм тата буддизм тĕнĕсене тытса пыракансем пĕр чĕлхе тупса пурăннинче",_ тенĕ Çырура. Юхмапа Пăла тăрăхĕ те нумай нациллĕ пысăк район шутланать. Пирĕн тĕп тĕллев _ малашне те нацисемпе тĕрлĕ тĕнпе пурăнакансем хушшинчи çураçулăха ламран-лама тытса пырасси.
Г. Медведев, Аслă Чемен ял тăрăх пуçлăхĕ:
_ Чăн малтанах мана терроризма, коррупцие хирĕç кĕрешмелли çинчен çирĕп калани килĕшрĕ. Паянхи кун обществăшăн пысăк хăрушлăх кăларса тăратакан çак хура ĕçсенчен, чăрмавсенчен хăтăлмаллах. Çырура çакă та уççăн палăрчĕ: çĕршыв тилхепи _ шанчăклă алăра. Пирĕн Раççейĕмĕр аталанса, тĕрекленсе пыни савăнтарать.
Источник: "Авангард" (газета Батыревского района)