26 декабря 2015 г.
ÇИТЕС çулхи кăрлачăн 1-мĕшĕнчен пуçласа Раççейре, çав шутра Чăваш Енре те, лавкка сентрисем çинче Турци апат-çимĕçĕ пуррипе çуккине тĕрĕслеме тытăнĕç. Çак ĕçре Роспотребнадзорăн уйрăмах тимлĕ пулма тивĕ.
Малашне Турцирен апельсин, мандарин, иçĕм çырли, панулми, груша, абрикос, персик, нектарин, слива, хурăн çырли, çĕр çырли кỹрсе килме юрамĕ. Çак списока томат, хăяр, купăста, сухан, шăнтнă какай, гвоздика, тăвар та лекнĕ. Хура списокри чылай çимĕçе эпир вырăнтах туса илетпĕр. Çавăнпа та хамăр вăйпа çитĕнтерни тутлăрах та пулĕ, укçи-тенкĕ те аякка тармĕ.
Источник: "Авангард" (газета Батыревского района)