26 декабря 2015 г.
Çак кунсенче районти тĕп библиотекăра Республика Пуçлăхĕн Михаил Игнатьевăн 2014 çулхи ноябрĕн 26-мĕшĕнчи Указĕпе килĕшỹллĕн хĕрарăмсем 37,5, арçынсем вара 42,5 çул ĕç стажне пуçтарнисене "Чăваш Республикинчи ĕç ветеранĕ" удостоверенине парса чыс турĕç. Хăйсен ырми-канми ĕçĕпе, пултарулăхĕпе, тăрăшулăхĕпе çак ята тивĕçнисен ушкăнне тепĕр 25-ĕн хутшăнчĕç. Паянхи кун тĕлне 1786 гражданин удостоверени алла илнĕ, вĕсенчен 531-шĕ Республика Пуçлăхĕн Указне улшăну кĕртнĕ хыççăн, урăхла каласан кăçалхи июлĕн 1-мĕшĕнчен.
Ĕç ветеранĕсене район администраци пуçлăхĕн пĕрремĕш çумĕ Марат Айзатуллов, районти социаллă хỹтлĕх пайĕн ертỹçи Наталия Никитина саламларĕç, пархатарлă та кăтартуллă ĕçшĕн тав турĕç.
А. НИКОЛАЕВА
Источник: "Авангард" (газета Батыревского района)