31 декабря 2015 г.
КИРЕК мĕнле ырă пуçару та çултан-çулах вăй илсе пыни паха. Тăван халăх йăли-йĕркине упрас, хулапа ял ачисен туслăхне çирĕплетес тĕллевпе Чăваш наци конгресĕ кăçалхипе иккĕмĕш хут елка йĕркеленĕ.
Шĕкĕр хуламăрти "Сеспель" кинотеатрта вырнаçтарнă капăр чăрăш тавра вара районсенчи чи пултаруллă та кăтартуллă хастар чăваш ачисем çеç мар, вырăссем те, тутарсем те... карталаннă. Уяв илемĕпе пирĕн район чиперккисем, Ыхра Çырминчи Яна Майкова, Анастасия Сорокина, Марианна Соловьева (ỹкерчĕкре) та чун каничченех киленнĕ. Юрласа-ташласа савăннисĕр пуçне вĕсем Хĕл Мучи парнине те тивĕçнĕ. Урăхла каласан, чăваш пикисем Чăваш елкинчен тулли кăмăлпа таврăннă.
Источник: "Авангард" (газета Батыревского района)