Публикации » Инспектора – ăшă сăмах

16 марта 2013 г.

РАЙОНТИ çул-йĕр инспекторĕсен аллине тĕрлĕрен сăлтавпа çакланакансем пайтах темелле. Хамăр айăплă пулсан та эпир гаишниксене кÿренме пăхатпăр. Анчах пакунлисен ĕçне хакласа ăш сăмах калакансем те çук мар. Акă, пĕр тăманлă каçхине Канашран таврăнакан Чĕмпĕр çынни пирĕн тăрăхра хăйĕн автомашинипе çаврăнса ÿкнĕ пулнă. Хурçă ут хуçи инкекре тахăш çĕре мар, ГИБДД сотрудникĕсене шăнкăрав янă. Пакунлисем туххăмрах (вунă минутранах) васкавлă пулăшу тата пушар хуралĕн автомашинисемпе вĕçтерсе çитнĕ, йывăрлăха кĕрсе ÿкнĕ арçынна вилĕмрен çăлса хăварнă. А. Лаптев хушаматлă вырăс кайран ятарласа тĕпчесе хăйне хастар пулăшакан çын ДПС инспекторĕ Сергей Горшков полици лейтенанчĕ пулнине палăртнă. Унтан чун-чĕререн тав туса çыру çырнă.