13 января 2016 г.
Çĕнĕ çул хăйпе пĕрле юр та илсе килчĕ. Хĕллехи вăрăм каникулта вăл лапка-лапка çурĕ, çавна май çул-йĕр ĕçченĕсен канмалли кунсенче те куллен тенĕ пекех вăй хума тиврĕ.
Автобуссем вăхăтра рейса тухчăр, çынсем палăртнă вырăна çитчĕр тата инкек-синкек ан пултăр тесе çур çĕр иртсенех, нумайăшĕ тутлă тĕлĕк курса çывăрнă чухнех, "Чувашавтодор" пĕрлешĕвĕн Патăрьелĕнчи çул-йĕр тăвакан тата юсакан управленин техники район, республика шайĕнчи çулсене юртан тасатма тухать. Пăрлă вырăнсене хăйăрпа тăвар хутăшне те сапаççĕ. Сăмах май, ăна çителĕклĕ янтăланă.
_ Хĕлле çанталăк час-часах пăсăлать: юр та çăвать, тăман та тустарать... Çакна шута илсе управленинче талăкĕпех дежурство йĕркеленĕ. Çула тасатма пурĕ 12 техника хутшăнать. Çĕмрĕлнисене вырăнтах юсатпăр. Хăш-пĕр йывăрлăхсем пур, паллах, анчах вĕсене çĕнтерсе хамăра шаннă çулсене вăхăтра тасатма тăрăшатпăр, _ тесе пĕлтерчĕ управлени директорĕ Валерий Рубцов.
Юр çулсене кăна мар, павильонсене те х2ĕвет. Ятарлă бригада автобуссем чарăнакан вырăнсене, кĕперсене тасатать.
О. ПАВЛОВА
Источник: "Авангард" (газета Батыревского района)