20 января 2016 г.
Чăваш Енте Пĕтĕм Раççейри ял хуçалăх çыравне ирттерессипе çыхăннă ĕç малалла пырать. Аса илтеретпĕр: вăл кăçалхи утă уйăхĕн 1-мĕшĕнчен пуçласа çурлан 15-мĕшĕччен пулĕ. ЧР Ял хуçалăх министерствин сайтĕнче пĕлтернĕ тăрăх, пирĕн республикăра çырава ирттермешкĕн 660 çын хутшăнĕ. Вĕсем ялсенчи _ 240, хулари _9 пине яхăн хуçалăх, тăватă пине яхăн фермер хуçалăхĕ çинчен даннăйсем пухĕç. 11 районта шута илмелли объектсен йышĕ 10 пинрен иртет. Чи нумаййи _ Шупашкар районĕнче (24 пине яхăн), чи сахалли вара пирĕн кỹршĕ Шăмăршă районĕнче. Унта 6 пине яхăн объект.
Источник: "Авангард" (газета Батыревского района)