23 января 2016 г.
ак сăлтавпа районти йĕрке хуралĕн сотрудникĕсем Патăрьелĕнчи Канаш урамĕнче пурăнакан кỹршĕсем патне пĕрремĕш хут пыман. Ĕçĕ-пуçĕ вара акă мĕнле иккен. Хĕрарăм çурт умĕнчи патшалăх çĕрĕпе çулла та, хĕлле те хăйĕн харпăрлăхĕ пек усă курнипе тарăхаççĕ-мĕн кỹршисем. Унта _ "шлагбаум", кунта - пĕрене хурса иртен-çỹрене чăрмав кỹрет, çулсене хуплать... Инкек-синкекрен Турă сиртĕрех те, пушар тухас пулсан та тỹрех иртсе каяймăн. Юрать-ха, хăрах каслă урамри хастар çемье хальхи вăхăтра çулне алăпах тасатса тăрать. Унта çуран та, транспортпа та кĕрсе тухма май пур. Район администраци пуçлăхĕн иртнĕ канашлăвĕсенчен пĕринче харпăр-хăй çуртпа пурăнакансен çеç мар, организаци-предприятисем те кантурсен умне юртан тасатса, тирпейлесе тăмаллине, чăрмавсене сирмеллине çивĕчлетнĕччĕ. Апла пулсан çакă хăрушсăрлăхпа çыхăннă йĕркесене пурин те çирĕп пăхăнмаллине пĕлтерет. Ун пек пулмасан _ йĕрке хуралĕн сотрудникĕсем умĕнче явап тытмах тивет.
Источник: "Авангард" (газета Батыревского района)