10 февраля 2016 г.
Çирĕм çула çитрĕн пикенсех Район хаçачĕн кашни номерĕнчех пичетленсе тухакан рубрикăсенчен пĕри _ хыпарсен "Ахрăм" колонки. Кăçал вăл пуçласа вулакан патне çитни икĕ теçетке тулать. Хăйне евĕр кăсăклă хыпарсен пухмачĕ вулакан кăмăлне кайни савăнтарать. Кĕске те çивĕч темăпа çырнă материалсем кашни хаçатрах тăватă-пилĕк хыпар таранах пичетленнине шута илсен, çулталăкра вĕсем çур пине яхăнах пуçтарăнаççĕ! Паян тăван хаçатăмăра хисеплĕ шурсухал çулне çитнĕ евĕр хакласан, çирĕм çул алран яман "Ахрăмăм" пĕве кĕнĕ хĕр евĕр хитре çулта çеç-ха. Апла пулсан, çул хыççăн çул хыçа хăварса, "Авангард" хаçат 85 çул тултарнă хыççăн та пурăнсамччĕ эсĕ тăрăшсах!
Источник: "Авангард" (газета Батыревского района)