10 февраля 2016 г.
Нарăсăн 14-мĕшĕнче пирĕн районта та спорта кăмăллакан ватти-вĕтти йĕлтĕр йĕрĕ çине тăрĕ. Йăлана кĕрсе пынă "Раççей йĕлтĕр йĕрĕ" массăллă чупăва çулсеренех Юхмапа Пăла тăрăхĕнче пурăнакан çĕршер хастар хутшăнать. Шанас килет, кăçалхи мероприяти те пысăк хастарлăхпа иртсе кайĕ.
Çак кунхинех шашка-шахмат вăййине кăмăллакансем район центрĕнчи "Паттăр" стадионти спорт ăмăртăвĕсем иртекен çуртра хăйсен пултарулăхне, çивĕч ăсне кăтартма пултараççĕ. "Авангард" хаçатăн парнине çĕнсе илессишĕн йĕркелекен турнира район хаçачĕн юбилейлă çулне халалланă.
Источник: "Авангард" (газета Батыревского района)