10 февраля 2016 г.
Çын сăнпа çеç мар, чунпа, кăмăлпа, шухăшпа хитре пулни килĕшỹллĕ. Ун пек чухне тĕр тĕрлеме ларсан шăрçа пек, çĕвĕ тума пуçласан вара çип çапнă пек пулать. Кивĕ Ахпỹртри Культура çуртĕнче вĕтĕ шăрçапа эрешсем тăвакан тата асамат кĕперĕн тĕсĕсемлĕ çипсенчен тĕрлĕрен макрамесем, япаласем ăсталаса çыхакансен кружокне çỹрекенсем чăн-чăнах ылтăн алăллă темелле. Вĕсен ĕçĕсенчен йĕркеленĕ курав та çакнах çирĕплетсе панă. Çутçанталăк илемне пир татăкĕ çине куçаракан маçтăрсен ĕçне пахаласа та, хак парса та пĕтерес çук. Ỹркенменнисем ăна çак кунсенче хăйсен куçĕпе пырса курма та, пархатарлă ĕçсемпе киленме те пултараççĕ.
Источник: "Авангард" (газета Батыревского района)