27 февраля 2016 г.
УРАМРА хĕл уйăхĕн юлашки кунĕсем хуçаланаççĕ пулин те, çут çанталăк кăмăлĕ çуркунне еннелле туртăнни тахçанах сисĕнет: уй-хирсем те улаланчĕç, çул çийĕпе тăкăрлăксем те йĕпенсе шыв- ланчĕç... Кĕçех путăксемпе варсенче те çĕмĕрĕлсе шыв кĕрлеме пуçлĕ...
Шыв-шур тапхăрне вырăнсенче кирлĕ пек хатĕр- ленсе ирттерсе ярас тĕллевпе район администрацийĕ ятарлă постановлени кăларнă. Чылай çулсенчи сăнав вара çакна кăтартса парать. Шыв хăпарса ейỹ сарăлнă вăхăтра районти ултă ялти _ Патăрьелĕнчи, Кĕçĕн Арапуçĕнчи, Тутар Тимешри, Тăрăнти, Анат Туçари, Вăтаелĕнчи _ 65 хуçалăх çутçанталăк пулăмĕнчен сиен курма пултараççĕ. Çавăнпа та паян кашни ял тăрăхĕнчех ятарласа çирĕплетнĕ çынсен гидротехника сооруженийĕсене пăхса, шыв çулĕсене уçса тăмалла. Инкек-синкеке чăтма мар, парăнтарма ансатрах. Кашни çыннăн чĕрине ырă туйăмпа ăшăлăх илсе килекен çуркунне никама та хур ан кăтарттăр!
Источник: "Авангард" (газета Батыревского района)