04 марта 2016 г.
ТУТАР Сăкăтĕнчи Г. Сабитова биологи учителĕн пултарулăхĕпе харсăрлăхне, тавракурăмне шăпах çак сăмахсемпе хаклас килет. Чылай чухне районти олимпиадăсемпе тĕрлĕрен конкурсра палăракан хастар хальхинче хăйĕн професси ăсталă- хĕпе педагогăн маçтăрлăхне çĕршывăн тĕп хулинчех, Мускаврах, кăтартма май тупнă. Хăйĕн юратнă предмечĕпе республика шайĕнчи тупăшура çĕнтернĕскер, "Манăн чи лайăх урок" темăпа хисеплĕ жюри членĕсен умне тухса пысăк хисеп çеç мар, "За службу образованию" медале те çĕнсе илнĕ. Гельнур Нурулловна вĕрентекен, шкул директорĕ 120 конкурсант хушшинче тивĕçнĕ виççĕмĕш вырăн вăл чăнласах та паянхи кун таппинчен юлмасăр тăрăшакан специалист пулнине тепĕр хут çирĕплетсе парать.
Источник: "Авангард" (газета Батыревского района)