Публикации » Кино тата Ĕç çынни çулталăкне халалланă

11 марта 2016 г.

РАÇÇЕЙРИ Кино тата Чăваш Енти Ĕç çынни çулталăкĕ районта старт илнĕ хыççăн вырăнти ял тăрă- хĕсенче те ят панă 2016 çула халалласа уяв çине уяв йĕркелеççĕ. Хирти Пикшикри культура çуртĕнче те çак сăлтавпа творчество коллективĕсен смотр-конкурсне йĕркеленĕ. Ял тăрăх пуçлăхĕ В. Мефодьев тата шкул директорĕ И. Камалетдинов залра ларакан хĕрарăмсене çывхарса килекен уяв ячĕпе саламланă хыççăн пултарулăх ушкăнĕсем сцена çинче хăйсен юрă-ташă маçтăрлăхне пĕрин хыççăн тепри кăтартнă. Жюри членĕсем пахаланă чи-чи кăтартуллă номерсем вара çывăх вăхăтра районта йĕркелекен смотра хутшăнса ытти артистсемпе тупăшма тивĕçĕç.

Источник: "Авангард" (газета Батыревского района)