22 марта 2016 г.
Пурнăçра çынна ырă туни яланах ырăпа таврăнать. Çакна сăнанă-и? Усалпа ылхан вара яланах çурмалла теççĕ. Районта "Ачалăхшăн, ачалăх ячĕпе" марафон старт илни уйăх ытла та иртрĕ. Хамăр пуласлăх тесе хак паракан тĕрлĕ шăпаллă пепкемĕрсене йывăрлăхра пулăшас, вĕсене ытлă-çитлĕ пурăнма, вĕренме, аталанма, çав вăхăтрах чирлĕскерсене сипленме кирлĕ услови туса парас тĕллевпе çулсеренех йĕркелекен акцине пирĕн Юхмапа Пăла тăрăхĕнчи ĕç коллективĕсем, уйрăм хастарсем хутшăннă пирки маларах та асăннăччĕ. Паяна илес пулсан ятарлă счет çине хĕрĕх ытла предприяти учреждени коллективĕ 130 пин тенке яхăн укçа куçарса пама ĕлкĕрнĕ. Ыркăмăллăхăн чикки çук. Çавăнпа та марафон малалла тăсăлнă май, çак ĕçре Патăрьелсем тата ытларах хастарлăх кăтартасса шанас килет.
Источник: "Авангард" (газета Батыревского района)