22 марта 2016 г.
Çак кунсенче район центрĕнче груз турттаракан пĕчĕкрех автомашинăсем хĕрлĕ, кăвак, сарă тĕслĕ сеткисене икĕ кантăкĕнчен кăларса ярсах вĕл-вĕл вĕçтерсе çỹреççĕ. Унталла каяççĕ те кунталла килеççĕ... Калăн, ВДВшниксем е тата чикĕ хуралçисем хăйсен уявне ялавсемпе тухнă... Аякран чăнах та вăл ялав пекех курăнать. Ку вăрттăн паллă _ реклама иккен, халăха валли тỹлевсĕр пĕлтерỹ: "Эпир сухан-çевок туянатпăр" тени. Инçе çултан пирĕн ĕçчен халăх продукцине туянма килнисем пĕр уйăх каяллипе танлаштарсан тавара йỹнерехпех хаклашаççĕ иккен: пĕрремĕш сортне _ 65, иккĕмĕшне _ 60, виççĕмĕшне 40 тенкĕпе илме хатĕр.
Источник: "Авангард" (газета Батыревского района)