29 марта 2016 г.
Нăрваш Шăхалĕнчи "Труд" ял хуçалăх предприятийĕнчи ĕне ферминче С. Шайманова чылай çул ĕçлет. Вăл хăйне шаннă тивĕçе юратса пурнăçланăран унăн кăтартăвĕсем те лайăх. Светлана Владимировна иртнĕ çул пĕр ĕнерен вăтамран 5200 килограмм сĕт сунă. Халь те малта пыракансен йышĕнче. Тăрăшулăхне кура унăн ĕçне республикăра та пысăка хурса хакланă _ вăл Чăваш Республикин Пуçлăхĕн Тав çырăвне илме тивĕçнĕ.
Пĕлсе тăма: Районĕпе ĕне-выльăх 18 пин пуç ытла, вăл шутран ĕне _ 7780.
Ĕнерхи кун тĕлне пĕр ĕнерен районĕпе вăтамран 14,7 килограмм сĕт сунă.
Чи пысăк кăтарту "Корма" агрофирмăн _ 19,8 килограмм.
Источник: "Авангард" (газета Батыревского района)