08 апреля 2016 г.
ВАТТИСЕН çак сăнавĕ нимпе те мар, чăн малтан малашнехи çурхи çанталăк мĕнле пулассипе çыхăннă. Ара, кăçалхи çурпике таçта çул çинче аташнă тейĕн _ ку таранччен хĕвеллĕ кунĕсем савăнтарсах каймарĕç-ха. Синоптиксем вара Чăваш Ене çак кунсенчех ăшă килмеллине шантараççĕ. Вĕсене ĕненсен, канмалли кунсенчех 15 _ 20 градус та ăшă пулмалла! Урăхла каласан, çанталăк вылянчăк кăмăлне пăхмасăрах, ака-суха ĕçĕ, кĕркуннехи тулли пучахшăн кĕрешĕве тухмалли тапхăр алăк урати патнех çитнĕ темелле. Çавăнпа та ыттисемпе пĕрлех çĕр ĕçченне те ĕнерхи Пăлхавăшни каçĕ мĕнле пулни пĕлтерĕшлĕ тесе шутлатăп. Аса илĕр: енчен те çак каç сивĕ пулсан, вăл хĕрĕх пĕр куна каять теççĕ, ун пек пулмасан вара çак кунсенчех алла ĕç хатĕрĕ тытма хатĕр пулмалла.
Источник: "Авангард" (газета Батыревского района)