08 апреля 2016 г.
Чăваш Республикин Министрсен Кабинечĕн 2016 çулхи пуш уйăхĕн 10-мĕшĕнчи 0213-2926 номерлĕ хушăвне пурнăçласа, ЧР Çут çанталăк пуянлăхĕсен тата экологи министерстви çакăн çинчен пĕлтерет: кăçалхи ака уйăхĕн 16-мĕшĕпе çу уйăхĕн 21-мĕшĕ хушшинчи тап- хăрта "Симĕс çуркунне" ятпа Пĕтĕм Раççейре экологи субботникĕ иртет. Ку мероприятие Раççейри пур регионсем те хутшăнаççĕ, вăл пынă вăхăтра территорисене çỹп-çапран тасатаççĕ, йывăçсем лартаççĕ, чечексем ĕрчетеççĕ, хут-хăмăрпа тимĕр-тăмăр пухаççĕ, кунпа пĕрлех çỹп-çапа уйрăммăн пуçтараççĕ, çавăн пекех Тăван çĕршывăн Аслă вăрçин ветеранĕсене, халăхăн сахал тупăш илекен сийĕсене пулăшмалли акцисем, вĕрентỹ учрежденийĕсенче "Чи лайăх экологи урокĕ-2016" конкурс çĕнтерỹçисен материалĕсем тăрăх экологи çутлăхĕн урокĕ-сем, Раççейри кино çулталăкне халалласа экологи тематикине тĕпе хурса ỹкернĕ кĕске метражлă видеосюжетсен конкурсĕ ирттереççĕ.
"Симĕс çуркунне" Пĕтĕм Раççейри экологи субботникĕн тата видеосюжетсен конкурсĕн çĕнтерỹçисене экологи кунне халалласа Мускавра утă уйăхĕн 5-мĕшĕнче ирттерекен савăнăçлă мероприятире чыслаççĕ.
Пĕтĕм Раççейри экологи субботникне экологи хăрушсăрлă- хĕнчен хỹтĕленес тĕллевпе Чă-ваш Республикинче 2016 çулта ирттерекен хỹтлĕх кунĕсен планне кĕртнĕ.
Çак тапхăрта тунă ĕçсен отчетне тата сăн ỹкерчĕксене кăçалхи çу уйăхĕн 18-мĕшĕнчен кая юлмасăр minpriroda.ru@cap.ru электрон адреспа ярса пама ыйтатпăр.
Сăмах май...
Апрелĕн 4-мĕшĕнче район администрацийĕнче структура подразделенийĕсен ертỹçисемпе, предприяти-организаци руководителĕсемпе ирттернĕ анлă канашлура район экологĕ К. Михайловская апрелĕн 22-мĕшĕнчен пуçласа майăн 6-мĕшĕччен районта Йывăç кунĕсем ирттернине пĕлтерчĕ. Çак тапхăрта экологи субботникĕсем кашни ял тăрăхĕсенчех иртĕç.
Источник: "Авангард" (газета Батыревского района)