08 апреля 2016 г.
Ĕнер, Пĕтĕм тĕнчери сывлăх кунĕнче, районти тĕп больницăри тухтăрсем Юхмапа Пăла тăрăхĕнчи ĕç коллективĕсенче пулса сывлăха сыхлас тĕлĕшпе профилактика калаçăвĕсем йĕркелерĕç. Çакнашкал мероприяти районта пĕрремĕш хут иртрĕ пулсан та çынсем тĕл пулусенче сывлăх сыхлавçисемпе уçă калаçу йĕркелерĕç, тĕрлĕ-рен ыйтупа кăсăкланчĕç, сиплевçĕсенчен тулли хуравсем илчĕç.
Районти "Авангард" хаçатăн творчество коллективĕпе районти врач-оториноларинголог С. Токмаков тĕл пулчĕ. Сергей Михайлович паян анлă сарăлнă чирсен хăрушлăхĕ, вĕсенчен сыхланмалли меслетсем пирки чарăнса тăчĕ, сывă пурнăç йĕрки, спортпа туслă пулни çеç пурнăçа вăрăмлатма пултарнине каларĕ. Хамăр корр.
Источник: "Авангард" (газета Батыревского района)