Публикации » Пулас педагогăн пĕрремĕш "присяги" питĕ лайăх

15 апреля 2016 г.

 ПЕРВОМАЙСКИНЧИ вăтам шкулта вĕреннĕ чухнех Екатерина Туктанова педагог профессийĕн вăрттăнлăхне ăша хывма ĕмĕтленнĕ. Çак тĕллевпех чиперкке тăххăрмĕш класс вĕренсе пĕтернĕ хыççăнах Канашри педголледжа çул тытнă. "Пĕчĕкрех вĕренỹ учрежденийĕнче хамăн пултарулăха тĕрĕсленĕ хыççăн аслă шкулта пĕлĕве малалла пуянлатăп" _ çапла çирĕп шухăш тытнă чиперкке. Халĕ ĕнтĕ Катя виççĕмĕш курс студентки. Пулас педагог çак кунсенче хăйĕн пĕрремĕш "присягине" ăнăçлă çеç мар, питĕ лайăх тытнă тесе калас килет. Професси маçтăрлăхне тĕрĕслес тĕллевпе йĕркеленĕ конкурсра вăл жюри членĕсене пур енĕпе те тивĕçтернĕ чи пултаруллă студентка пулнă, пĕрремĕш вырăна çĕнсе илнĕ. Халĕ шкул çулне çитмен ачасемпе ĕçлеме хатĕрленекен пулас специалистăн регионсем хушшинче йĕркелекен çивĕч тупăшура хăйĕн ăсталăхне кăтартма тивĕ.

Источник: "Авангард" (газета Батыревского района)