15 апреля 2016 г.
Районти Пĕтĕм Раççейри ял хуçалăх çыравĕпе ĕçлекен комисси тата Чăваш статистикин Пĕтĕм Раççейри штатра тăман служби ял хуçалăх çыравне хамăр тăрăхра тивĕçлĕ шайра хатĕрленсе ирттерсе ярас тĕллевпе вĕренỹ учрежденийĕсенче ăс пухакансем хушшинче "Ялта çителĕклĕ _ çĕршыв тĕреклĕ" темăпа сочиненисен конкурсне ирттерме палăртнă. Ачасем хăйсен ĕçне чăвашла, тутарла тата вырăсла хатĕрлеме пултараççĕ.
Сочиненисене апрелĕн 25-мĕшĕччен Патăрьел ялĕнчи Ленин проспектĕнчи 27-мĕш çуртра вырнаçнă 7-мĕш кабинета çитермелле.Тĕплĕнрех 6-24-22 телефон номерĕпе ыйтса е район сайтĕнчи Пĕтĕм Раççейри ял хуçалăх çыравĕпе йĕркеленĕ баннерта пĕлме май пур.
Источник: "Авангард" (газета Батыревского района)