19 апреля 2016 г.
Ака уйăхĕн 10-мĕшĕнче "Çĕрпỹ _ Чĕмпĕр _ Яманчỹрел" çулăн 7-мĕш çухрăмĕнче автобус çаврăнса ỹкнĕ. Çул-йĕр инспекторĕсем пĕлтернĕ тăрăх "Лада-Ларгус" автомашинăн 56 çулти водителĕ, ỹсĕрскер, транспорт хирĕç килекен çул çине тухнă. Хусантан килекен автобус водителĕ унпа пырса çапăнас мар тĕллевпе сылтăмалла пăрăннă та çул хĕррине тухса кайнă, çаврăнса ỹкнĕ. Юрать-ха пăтăрмах пысăк инкекпе вĕçленмен. Аманнă виçĕ çынна çийĕнчех медицина пулăшăвĕ панă.
Çакна та палăртса хăвармалла: аваришĕн айăплăскерне маларах та водитель удостоверенинчен хăтарнă. Хальхинче те ун ячĕпе ĕç пуçарасси куçкĕрет. Хамăр корр.
Источник: "Авангард" (газета Батыревского района)