19 апреля 2016 г.
Çак кунсенче Чăваш Республикинчи Ĕç тата социаллă хỹтлĕх министрĕ Сергей Димитриев 2015 çулхи ĕç-хĕл тата 2016 çулхи пĕрремĕш çур çулăн тĕллевĕсем пирки ведомствăна пăхăнса тăракан организаци ертỹçисемпе ĕçлĕ канашлу ирттернĕ.
Канашлăва Патăрьел район администраци пуçлăхĕ Рудольф Селиванов, Патăрьел, Комсомольски, Елчĕк, Шăмăршă районĕсенчи ĕçпе тивĕçтерекен центр директорĕсем, халăхăн социаллă ыйтăвĕсене тивĕçтерекен центр тата пай пуçлăхĕсем хутшăннă.
Министерство ертỹçи Раççей Президенчĕ В. Путин РФ Федераллă Пухăва янă Бюджет Посланине пурнăçа кĕртсе патшалăх паракан адреслă тата кирлĕлĕх критерийĕсене шута илмелли ыйтусемпе тĕплĕн тухса калаçнă. Сергей Петрович республикăра граждансене паракан мĕн пур социаллă пулăшусем сыхланса юлнине, ĕç ветеранĕсене тата ытти ушкăнти граждансене памалли условисемпе паллаштарнă.
Источник: "Авангард" (газета Батыревского района)