29 апреля 2016 г.
Туçа ял тăрăхне кĕрекен Вăтаел ялĕ йышĕпе пĕчĕкех мар. Пăла юханшĕвĕн çумĕпе вырнаçнă ялта пурăнакансем культура вучахĕ тăвас ыйтăва тĕрлĕ шайра хускатни темиçе çул та ĕнтĕ. Халĕ вара çĕнĕ ял кăлави ку тĕлĕшпе чăнласах та "пăра" тапратрĕ темелле. Тăпăл-тăпăл та хăтлă клуба ял халăхĕ ĕлĕкхи меслетпе _ нимелле тума тĕллев тытнă. Республика программипе килĕшỹллĕн районта июнь уйăхĕнче хута кайма хатĕрленекен улттăмĕш ФАП вара Вăтаелсемшĕн пысăк парне пулĕ.
Çак кунсенче район администраци пуçлăхĕн çумĕ _ строительство, обществăлла инфраструктура аталанăвĕн пай пуçлăхĕ Н. Красновпа ял тăрăх пуçлăхĕ К. Углев фельшерпа акушер пунктĕнчи строительство ĕçĕсем мĕнле пынипе паллашнă.
Источник: "Авангард" (газета Батыревского района)