11 мая 2016 г.
РАЙОНТИ кашни яла кĕрес умĕн реклама хăми çакăнса тăрать. Унта чылайăшĕ хăйсен чиккинче ял тăрăхĕн ятне çырса хунă. Яла кĕрес умĕн вырнаçтарнă щитсем тĕрĕссипе ял тĕкĕрĕ вырăнне, илĕртỹллĕ, капăр пулмалла пек. Анчах тепĕр чухне унта çырса хунă хăш-пĕр сас палли хуралса пĕтнĕ, сăрри шупкаланнă, хăпăнса пĕтнине куратăн. Кирек мĕнле пулсан та ял илемĕ укăлчаранах пуçланни кăмăллă ĕнтĕ. Ун пек чухне вара чăнах та юрăри евĕр "Пирĕн яла пырса кĕрсен, каялла тухма пĕлĕр-и?" теме те намăс пулмĕ.
Источник: "Авангард" (газета Батыревского района)