13 мая 2016 г.
ÇУ уйăхĕн виççĕмĕш вырсарникунĕ Пĕтĕм тĕнчери çемье кунĕ пулнипе çеç палăрса тăмасть. Майăн 15-мĕшĕнчех ВИЧ-инфекцине пула вăхăтсăр ĕмĕрлĕх тĕнчене куçнисемшĕн хурланса асăнмалли кун та. Вуншар çул каялла анлăн сарăлма пуçланă амак-чир республикăна та килсе çапăнчĕ. Усалăн ури саккăр тенĕ евĕр, пирĕн районта та хура списока çакланнисем пур. Хальхи вăхăтра ар хутшăнăвĕпе сарăлакан чирпе аптăранисем вун саккăрăн.
Вĕсем хушшинче ытларах ют хуласене ĕçлеме кайса çỹрекен çамрăксем. Çавăнпа та тĕрĕс мар утăм ан тăвăр, хăвăра тытма пĕлменнипе вилĕм серепине ан çакланăр!
Источник: "Авангард" (газета Батыревского района)