17 мая 2016 г.
РАЙОНТИ ГИБДД сотрудникĕсем çине-çинех операцисене тухнине хăнăхнă-ха. Кашни уйăхрах гаишнисем ỹсĕр водительсене çаклатас, "Шумахер" евĕр çиçĕмле хăвăртлăхпа çỹрекенсене тытса чарас тата ытти тĕллевпе те рейдсене тухаççĕ. Майăн 13 - 22-мĕшĕнче "Мото и выезд на встречную полосу" текенни вара пĕрремĕш хут иртет. Çак операци ытахальтенех çуралманни те паллă. Мĕншĕн тесен юлашки вăхăтра хирĕç пыракан йĕр çине сиксе тухса авари тăвакан водительсем республикăра та сахал мар, районта та пур.
Сăмах май, çулталăк пуçланнăранпа пирĕн районта çул çинче пулнă тăхăр инкеке шута илнĕ, вĕсенче вунпиллĕкĕн аманнă, пĕр çыннăн пурнăçĕ татăлнă. Асăннă аварисенчен водитель теветкеленсе хирĕçле полоса çине тухса тепринпе пырса çапăннă тĕслĕх те пулнă.
Источник: "Авангард" (газета Батыревского района)