20 мая 2016 г.
ÇУ уйăхĕн 23 _ 28-мĕшĕсенче Чăваш Республикин тĕп хулинче _ Шупашкарта _ Пĕтĕм тĕнчери IХ кинофестиваль иртет. Ăна йĕркелесе яни çĕртме уйăхĕн- че сакăр çул çитет. Ун чухне пирĕн Чăваш çĕршывне çывăхри тата чикĕ леш енчен паллă актерсемпе кинорежиссерсем килнĕ. 2009 çулта вара ЧР ертỹлĕхĕ тĕп хуламăрта иртекен Пĕтĕм тĕнчери кинофестивале йăлана кĕртме йышăннине РФ Культура министерстви ырласа кĕтсе илнĕ.
Кăçалхи фестиваль те пуян та тулли содержаниллĕ пулĕ. Кинофестивале паллă актерсемпе режиссерсем хутшăнĕç, вĕсемпе тĕл пулусем иртĕç, çавра сĕтелпе пресс-конференци йĕркелеме те палăртнă. Паллах, çак тапхăрта экрансем çине кăсăклă кинофильмсем те тухĕç.
Источник: "Авангард" (газета Батыревского района)