Публикации » Ан ỹркенĕр, "хĕрỹ лини" çăмăллăхĕпе усă курăр!

20 мая 2016 г.

 ХАЛЬХИ вăхăтра районти нумай функциллĕ центр урлă чылай çăмăллăхпа усă курма пулать. Вăл шутра граждансем порталта электронлă майпа регистрациленсе те хăйсен ыйтăвĕсене татса пама пултараççĕ. Районти шалти ĕçсен пайĕ те ку тĕлĕшпе çынсене çак çăмăллăхпа усă курма сĕнет. Сире суд урлă тухманни пирки справка кирлĕ е тата çул-йĕр правилипе çыхăннă административлă штраф çуккине пĕлмелле _ НФЦ урлă вĕсене питĕ хăвăрт татса пама пулать. Сăмах май каласан, кăçалхи тăватă уйăхра 109 гражан çак меслетпе патшалăх çăмăллăхĕсемпе усă курнă. Çапах паян хăшĕ-пĕри хăйсен ăнланманлăхĕ- пе çак утăма тума аптăраса тăрать. Район полицийĕн начальникĕ А. Фомин хаçат редакцине пĕлтернĕ тăрăх, шăпах çакнашкал иккĕленчĕклĕ çынсем валли майăн 28-мĕшĕнче 10 _14 сехетсенче "хĕрỹ лини" йĕркеленĕ. Хăвăра кăсăклантаракан ыйтусене (8-83532) 6-14-90 телефон номерĕсемпе шăнкăравласа ыйтма пултаратăр.

Источник: "Авангард" (газета Батыревского района)