24 мая 2016 г.
МАЙ уйăхĕ чылай чухне вылянчăк хĕр кăмăлĕ евĕр улшăнать: ăшăтса та илет, çавăнтах сивĕтсе пăрахать... Урăхла каласан, ку таранччен пĕр тикĕс, шанчăклă хĕвел хĕртсе савăнтармарĕ-ха. Вырсарникун вара эпир тĕмсĕлсе кĕтекен Микула та çитсе иртсе кайрĕ темелле. Ватăсем сăнанă тăрăх, çуллахи Микуласăр çу пуçланмасть, хĕллехисĕр хĕл лармасть теççĕ. Е тата çуллахи Микула иртсен тепĕр кунне çумăр пулсан, çăвĕпех йĕпе пулать текен шухăш та пур. Эсир ĕнерхи куна сăнама манмарăр-и?
Источник: "Авангард" (газета Батыревского района)