24 мая 2016 г.
"Эпĕ Чăваш Ене юрататăп" проектпа килĕшỹллĕн пирĕн районта наци телевиденийĕн ĕçлĕ ушкăнĕ пулчĕ.
Камера объективне "Батыревский" акционерсен хупă пĕрлешĕвĕ, граждан вăрçин паттăрĕн П. Е. Крепковăн палăкĕ, вăл ертсе пынипе хĕрлĕ армеецсем шурă гвардеецсенчен хỹтĕленнĕ арман, Тăрăн чиркĕвĕ, Хирти Пикшик ялĕ çывăхĕнче авалхи эрешлĕ сас паллисемпе çырнă чулсем, Шăнкăртам ялĕ тата аслă мечĕчĕ, Турханти ульетерапипе ĕçлекен Пирожковсен хуçалăхĕ, "Арабеск" ташă студийĕ (ертỹçи Т. Толстова), Козловка-Пăлакассинче пурăнакан Тăван çĕршывăн Аслă вăрçин ветеранĕ М. Наташкин, Çĕньялти пĕтĕмĕшле тĕп пĕлỹ паракан шкулти Геннадий Айхи музейĕ, Нăрваш Шăхалĕнчи вăтам шкулти çамрăк спортсменсем тата ыттисем те кĕнĕ.
Çак проектпа килĕшỹллĕн маларах Етĕрне, Муркаш, Вăрнар, Красноармейски, Тăвай районĕсенче очерксем хатĕрленĕ.
Источник: "Авангард" (газета Батыревского района)