Публикации » Васкани ырă та тумасть, вакка та сиктерет…

27 мая 2016 г.

Районти ГИБДД инспекторĕ Алена Каргина хаçат редакцине пĕлтернĕ хыпар тăрăх кăçал ку таранччен çул çинче 13 автоавари пулнă. Шел пулин те пысăк инкексенче тăватă çыннăн пурнăçĕ татăлнă, 19-шĕ аманнă. Танлаштаруллă цифрăсем пĕлтĕрхинчен пысăкрах пулни те водительсемшĕн çирĕп асăрхаттару. Чылай чухне аварисен сăлтавĕ автомашинăсене кирлинчен ытларах хăвăртлăхпа хăвалани. Çак сăлтавпах, акă, майăн 23-мĕшĕнче Анат Туçа ялĕ çывăхĕнче çирĕм çулхи каччă вилмеллех аманнă. Çитменнине тата унăн руль тытса пыма ирĕкĕ те пулман. Ку ĕçпе халĕ йĕрке хуралĕн ятарлă çыннисем ĕçлеççĕ.

Источник: "Авангард" (газета Батыревского района)